நாட்டில் எரிவாயு தட்டுப்பாடு ஏற்படும் என அச்சப்படத் தேவையில்லை என்று லிட்ரோ (Litro) எரிவாயு நிறுவனம் வாடிக்கையாளர்களுக்கு உறுதியளித்துள்ளது. போதிய கையிருப்பு உள்ளதால் பொதுமக்கள் பதற்றமடைய வேண்டாம் என கேட்டுக்கொண்டுள்ளது. கடந்த பிப்ரவரி 17, 18 ஆகிய தேதிகளில் 2,84,000 சிலிண்டர்கள் விநியோகிக்கப்பட்டுள்ள நிலையில், இன்று (19) முதல் சனிக்கிழமைக்குள் மேலும் 3,51,000 சிலிண்டர்களை சந்தைக்கு வெளியிட நடவடிக்கை எடுக்கப்பட்டுள்ளதாக நிறுவனம் தெரிவித்துள்ளது.
ஆசியாவில் பார்வையிட சிறந்த சுற்றுலா தலங்கள் பட்டியல் – இலங்கை 5-ஆம் இடத்தில்
2026 ஆம் ஆண்டில் ஆசியாவில் பார்வையிட சிறந்த சுற்றுலா தலங்கள் பட்டியலில், இலங்கை 5-ஆவது இடத்தை பிடித்துள்ளது.
அமெரிக்காவின் பிரபல ஊடக நிறுவனமான அமெரிக்க செய்திகள் மற்றும் உலக அறிக்கை இதனை வெளியிட்டுள்ளது. மவுண்ட் ஃபூஜி, டோக்கியோ, பலாவான், சியோல் போன்ற உலகப் புகழ்பெற்ற இடங்களுடன் இலங்கை இந்த பட்டியலில் இடம்பெற்றுள்ளது.
இந்த பட்டியலில்
1-ஆம் இடம் – ஜப்பானின் மவுண்ட் ஃபூஜி,
2-ஆம் இடம் – டோக்கியோ,
3-ஆம் இடம் – பிலிப்பைன்ஸின் பலாவான்,
4-ஆம் இடம் – தென் கொரியாவின் சியோல்
5-ஆம் இடம் – இலங்கை ஆகியவை பெற்றுள்ளன.
அமெரிக்க செய்திகள் மற்றும் உலக அறிக்கை (U.S. News & World Report) நிறுவனம் செய்தி, நுகர்வோர் ஆலோசனைகள், உலகளாவிய தரவரிசைகள் மற்றும் ஆழமான பகுப்பாய்வுகளை வெளியிடும் ஒரு மதிப்புமிக்க அமெரிக்க ஊடக நிறுவனமாகும்.
அந்த நிறுவனம் ஆசியா குறித்து : “உலகின் மிகப்பெரிய கண்டமான ஆசியா, தனித்துவமான அனுபவங்களை வழங்கும் எண்ணற்ற சுற்றுலா தலங்களை கொண்டது” என குறிப்பிட்டுள்ளது.
2026 ஆம் ஆண்டுக்கான இந்த தரவரிசை,
உள்ளூர் செலவுகள், அணுகல்திறன், உணவுவகைகள், சுற்றுலா இடங்களின் பல்வகைமை மற்றும் வாசகர்களின் கருத்துகள் ஆகியவற்றின் அடிப்படையில் தயாரிக்கப்பட்டுள்ளது.
இலங்கையின் மழைக்காடுகள், அழகிய கடற்கரைகள் மற்றும் பண்டைய வரலாற்றுச் சிறப்புமிக்க இடங்கள் ஆகியவை உலகத் தரத்தில் இருப்பதாக அந்த அறிக்கை பாராட்டுகிறது. மேலும், ஆசியாவின் பல பிரபல சுற்றுலா தலங்களில் காணப்படும் அதிகமான சுற்றுலாப் பயணிகள் கூட்டம் இன்றி, உயர்தர அனுபவங்களை இலங்கை வழங்குவதாகவும் குறிப்பிடப்பட்டுள்ளது.
அமெரிக்க செய்திகள் மற்றும் உலக அறிக்கை இலங்கை பற்றி கூறியது:
“இந்தியாவின் தெற்கில் அமைந்துள்ள இலங்கை, மழைக்காடுகள், கடற்கரைகள் மற்றும் மற்றும் பண்டைய வரலாற்றுச் சிறப்புமிக்க இடங்களை கொண்ட ஒரு தீவு நாடு. சிறிய பரப்பளவு இருந்தாலும், 26 தேசிய பூங்காக்கள் உள்ளன. இங்கு யானைகள், சிறுத்தைகள், கரடிகள் போன்ற வனவிலங்குகளை பார்வையிட சுற்றுலா மேற்கொள்ளலாம். சிகிரியா கோட்டை, பொலன்னறுவை கோயில்கள் போன்ற வரலாற்று தலங்களும், தங்க நிற மணற்பரப்புகள் கொண்ட கடற்கரைகளும் சுற்றுலாப் பயணிகளை கவர்கின்றன.”
2026 ஆம் ஆண்டுக்கான ஆசியாவின் சிறந்த 20 சுற்றுலா தலங்கள்:
- மவுண்ட் ஃபூஜி – ஜப்பான்
- டோக்கியோ – ஜப்பான்
- பலாவான் – பிலிப்பைன்ஸ்
- சியோல் – தென் கொரியா
- இலங்கை
- சியாங் மாய் – தாய்லாந்து
- பூட்டான்
- ஹனாய் – வியட்நாம்
- பாலி – இந்தோனேசியா
- புக்கெட் – தாய்லாந்து
- கியோட்டோ – ஜப்பான்
- சியம் ரீப்
- ஓசாகா – ஜப்பான்
- கோலாலம்பூர் – மலேசியா
- ஹொங்கொங்
- மாலைதீவு
- சிங்கப்பூர்
- ஜெய்ப்பூர் – இந்தியா
- லங்காவி – மலேசியா
- ஆக்ரா – இந்தியா
Need my fix of ‘trực tiếp gà chọi c1’! Hoping for some good live fights. Fingers crossed this link works! trực tiếp gà chọi c1.
Gave f9bet a go the other night. Had a decent run on Mention generic game, e.g., the roulette table. Nothing spectacular, but a smooth experience. I’d recommend it! Give it a go. f9bet