ஜக்கலின் பெனாண்டஸ் இலங்கையில் சொகுசு இல்ல வாழ்க்கை முறையை புதுமைப்படுத்த ஹோம்லாண்ட்ஸ் உடன் கைகோர்க்கிறார்

சர்வதேச திரைப்பட நட்சத்திரமும், பெருமைக்குரிய இலங்கையருமான ஜக்கலின் பெனாண்டஸ், இலங்கையின் முன்னளி மற்றும் நம்பகமான சொத்து விற்பனை வர்த்தகநாமமான ஹோம்லாண்ட்ஸ் (Home Lands) குழுமத்துடன் உத்தியோகபூர்வ ஒப்பந்தத்தின் ஊடாக இணைந்துள்ளார். உலகளாவிய பிரபலத்தையும், தூரநோக்கம் கொண்ட இலங்கை வர்த்தகநாமத்தையும் ஒன்றிணைக்கும் இந்த முக்கிய கூட்டிணைவானது, நாட்டின் சொத்து விற்பனைத் துறையில் ஒரு புதிய சகாப்தத்தைத் ஏற்படுத்துகிறது.

இந்த அறிவிப்பானது மக்கள் மத்தியில் அதிக கவனத்தை ஈர்த்துள்ளது. தனது திறமையாலும், அழகாலும், கவர்ச்சியாலும் உலகம் முழுவதுமுள்ள இரசிகர்களை ஈர்த்த ஜக்கலின், தனது பூர்வீக நாடான இலங்கையுடன் அர்த்தமுள்ள வகையில் இணைந்துள்ளார்.

இது தொடர்பில் ஹோம்லாண்ட்ஸ் குழுமத்தின் தலைவர் நளின் ஹேரத் தெரிவிக்கையில், “ஜக்கலின் என்பவர் நவீன இலங்கைக்கு ஒரு உந்து சக்தியாகவும், நவீன சிந்தனையுடனான பாரம்பரியத்தில் வேரூன்றிய ஒருவராகவும் திகழ்கிறார். அவரை ஹோம்லாண்ட்ஸ் குடும்பத்திற்குள் வரவேற்பது எமக்கு பெருமையளிக்கிறது.” என்றார்.

இது பற்றி ஜக்கலின் பெனாண்டஸ் தெரிவிக்கையில், “நான் உலகின் எந்த மூலைக்குச் சென்றாலும், இலங்கை என்றுமே எனது வீடாகவே இருக்கும். இங்கே அனைத்து விடயங்களும் எவ்வளவு வேகமாக முன்னேறுகின்றன என்பதை பார்க்கும் போது அதிசயமாகவும் உற்சாகமாகவும் உள்ளது. சக்தி, வளர்ச்சி, சுற்றுலாத் துறையின் எழுச்சி இவை அனைத்தும் உற்சாகத்தை தருகின்றன. இலங்கையை உலகத்திற்கு புதிய வழிகளில் திறந்து காட்டி வரும் இலங்கையின் முன்னணி, நம்பகமான சொத்து விற்பனை முன்னோடியான ஹோம்லாண்ட்ஸ் நிறுவனத்துடன் தற்போது நான் இணைந்து செயற்படவுள்ளேன். இது தொடர்பான மேலும் பல முக்கிய விடயங்கள் விரைவில் வெளியாகவுள்ளன. எதிர்பாருங்கள்!” என்றார்.

இந்த கூட்டிணைவானது, வழக்கமாக ஒரு வர்த்தகநாமத்தின் தூதுவராக இருக்கும் ஒரு விடயத்திற்கு அப்பாற்பட்டு, இலங்கையின் விசேடத்துவத்தை உலக மேடைக்கு கொண்டு செல்லும் ஒரு கொண்டாட்டம் ஆகும். ஹோம்லாண்ட்ஸ் வர்த்தகநாமத்தின் செய்திகளை உள்நாட்டிலும், உலகளாவிய ரீதியிலும் வலுப்படுத்த ஊடகங்கள், ஊக்குவிப்பு நிகழ்வுகள் மற்றும் பிரசார நடவடிக்கைகளில் அதன் வர்த்தகநாம பிரதிநிதியாக ஜக்கலின் பணியாற்றுவார்.

தொழில்நுட்பம், தரம், சமூக வாழ்க்கைமுறையில் தொடர்ச்சியாக முன்னேறி வரும் ஹோம்லாண்ட்ஸ் நிறுவனம், ஜக்கலின் பெனாண்டஸ் உடன் இணைவதன் மூலம் புதிய தலைமுறையினரின் வீட்டுக் கனவுகளையும், இலட்சியங்களையும் ஈர்க்கும் வாய்ப்பை உருவாக்கியுள்ளது.

இந்த அறிவிப்பானது, ஹோம்லாண்ட்ஸ் குழுமத்தின் புதிய சொகுசு அடுக்குமாடி வீட்டுத் திட்டம் அறிமுகமாகும் வேளையில் வெளியாகியுள்ளது. மேலதிக விபரங்கள் விரைவில் வெளியாகும்.