டிரம்பைச் சந்திக்கிறார் ஜெலென்ஸ்கி: போரை முடிக்கத் தீவிர முயற்சி

உக்ரைன் அதிபர் வோலோடிமிர் ஜெலென்ஸ்கி விரைவில் அமெரிக்க அதிபர் டொனால்ட் டிரம்பைச் சந்திக்கத் திட்டமிட்டுள்ளார்.

புத்தாண்டுக்கு முன்பாகவே போர் தொடர்பான முக்கிய முடிவுகள் எடுக்கப்பட வாய்ப்புள்ளதாக அவர் தெரிவித்துள்ளார்.

அமைதிப் பேச்சுவார்த்தைக்கான வரைவுத் திட்டங்கள் தயாராக உள்ள நிலையில், இது குறித்து டிரம்ப்பின் தூதர்களுடன் ஏற்கனவே ஆலோசனைகள் நடத்தப்பட்டுள்ளன.

இருப்பினும், ரஷ்யா கோரும் நிலப்பரப்பு சமரசங்கள் மற்றும் பாதுகாப்பு உத்தரவாதங்கள் குறித்து இரு நாடுகளுக்கும் இடையே இன்னும் ஒருமித்த கருத்து எட்டப்படவில்லை.

 இந்தச் சந்திப்பு போரை முடிவுக்குக் கொண்டு வருவதற்கான முக்கியத் திருப்புமுனையாகக் கருதப்படுகிறது.