Power World Gyms, Sri Lanka’s leading fitness brand with over 30 years of promoting healthier lifestyles, has partnered with Kings Hospital Colombo as its Official Wellness Partner. This collaboration brings together expertise in fitness and healthcare to introduce a dedicated wellness programme for the hospital’s staff, supporting their physical and mental well-being. Through this partnership,…
விற்பனைக்குப் பின்னரான சேவைகளை மேம்படுத்த BYD இன் மிகப்பெரிய வாகனக் கட்டமைப்புத் திருத்த நிலையம் சீதுவையில் திறப்பு
இலங்கையில் புதிய சக்தி வாகனங்களுக்கான கேள்வி அதிகரித்து வரும் நிலையில், BYD நிறுவனம் மற்றும் அதன் அங்கீகரிக்கப்பட்ட விநியோகஸ்தரான ஜோன் கீல்ஸ் சிஜி ஒட்டோ (John Keells CG Auto) ஆகியன இணைந்து, BYD மற்றும் அதன் உயர்தர துணை வர்த்தக நாமமான டென்சா (DENZA) வாகனங்களுக்கு மாத்திரம் பிரத்தியேகமாக வடிவமைக்கப்பட நாட்டின் மிகப்பெரிய வாகனக் கட்டமைப்பு (Body Shop) மற்றும் விபத்துத் திருத்த நிலையத்தைத் திறந்து வைத்துள்ளன.
சீதுவையில் அமைந்துள்ள இந்தப் புதிய நிலையம், முன்னர் ‘ஃபார்முலா வேர்ல்ட்’ (Formula World) இயங்கிய இடத்தில் ஸ்தாபிக்கப்பட்டுள்ளது. இது BYD மற்றும் டென்சா நிறுவனங்களின் விற்பனைக்குப் பின்னரான சேவை உட்கட்டமைப்பை வலுப்படுத்தும் முயற்சியில் இது ஒரு முக்கிய மைல்கல்லாகும். ஒரே நேரத்தில் 100-க்கும் மேற்பட்ட வாகனங்களைக் கையாளும் வசதி கொண்ட இந்நிலையம், மேல் மாகாணத்திலுள்ள ஏனைய சேவை நிலையங்களில் நிலவும் நெரிசலைக் குறைப்பதோடு, வாகனத் திருத்தப் பணிகளை மிகத் துரிதமாகவும் வினைத்திறனாகவும் முன்னெடுக்க வழிவகுக்கின்றது.
வாகன மோதல்களினால் ஏற்படும் சேதங்கள் மற்றும் சிக்கலான திருத்தப் பணிகளை மிகத் துரிதமாகவும் நேர்த்தியாகவும் முன்னெடுக்கும் வகையில் இந்த நிலையம் மூலோபாய ரீதியாக வடிவமைக்கப்பட்டுள்ளது. இதன் மூலம் BYD மற்றும் டென்சா வாடிக்கையாளர்கள் தமக்கான விசேட விபத்துத் திருத்தச் சேவைகளை மிகக் குறைந்த காலப்பகுதியில் பெற்றுக்கொள்ள முடியும். இலங்கையில் BYD வாகனங்களின் எண்ணிக்கை வேகமாக அதிகரித்து வரும் நிலையில், அதற்கேற்ப வளர்ந்து வரும் அதிநவீன சேவைக்கான தேவையை இப்புதிய விரிவாக்கம் முழுமையாக நிவர்த்தி செய்கிறது.
இது குறித்து கருத்து வெளியிட்ட ஜோன் கீல்ஸ் சிஜி ஆட்டோ நிறுவனத்தின் பிரதம நிறைவேற்று அதிகாரி சரித் பண்டிதரத்ன, “விற்பனைக்குப் பின்னரான எமது சேவை விரிவாக்க நடவடிக்கைகளில் சீதுவையில் அமைந்துள்ள இப்புதிய வாகனக் கட்டமைப்பு மற்றும் விபத்துத் திருத்த நிலையம் ஒரு மிக முக்கியமான மைல்கல்லாகும். இந்த முதலீடுகளின் ஊடாக எமது சேவைத் திறனைப் பெருமளவு விரிவுபடுத்துவதோடு, சேவையின் தரத்தை சீராகப் பேணவும் நாம் இலக்கு வைத்துள்ளோம். இதன் மூலம் விபத்துத் திருத்தங்கள் மற்றும் வாகனக் கட்டமைப்புப் பணிகளில் எமது வாடிக்கையாளர்களுக்கு எவ்வித தடையுமின்றி, மிகத் துரிதமான சேவையை வழங்க முடியும் என நாம் உறுதியாக நம்புகிறோம்,” என அவர் மேலும் குறிப்பிட்டார்.
சீதுவை நிலையத்தின் திறப்பானது, வாடிக்கையாளர்களின் தேவைகளை மிகவும் வினைத்திறனுடன் பூர்த்தி செய்வதற்கும், சந்தையில் BYD வர்த்தக நாமத்தின் வளர்ந்து வரும் நிலைக்கு ஏற்ப அதன் சேவைத் தரத்தை உறுதிப்படுத்துவதற்கும் எடுக்கப்பட்ட ஒரு ஆக்கபூர்வமான முன்னெடுப்பாகும். கொழும்பில் BYD வாகனங்களுக்காக மாத்திரம் பிரத்தியேகமாக வடிவமைக்கப்பட்ட மிகப்பெரிய திருத்த நிலையம் இதுவாகும். இது வாகன உரிமையாளர்களின் ஒட்டுமொத்த அனுபவத்தை (Ownership experience) மேலும் வலுப்படுத்துவதுடன், வாடிக்கையாளர்களின் நீண்டகால திருப்தியை உறுதி செய்வதில் BYD கொண்டுள்ள உறுதியான அர்ப்பணிப்பையும் மீண்டும் பறைசாற்றுகின்றது.
சீதுவை வாகனத் திருத்த நிலையத்தின் திறப்பானது, BYD நிறுவனத்தின் விரிவான விற்பனைக்குப் பின்னரான சேவை விரிவாக்கத் திட்டத்தின் ஒரு பகுதியாகும். இதன் ஒரு கட்டமாகவே, அண்மையில் வத்தளையில் BYD மற்றும் டென்சா ரக பயணிகள் வாகனங்களுக்காக நாட்டின் மிகப்பெரிய சேவை நிலையம் திறந்து வைக்கப்பட்டது. இவ்வாறான தொடர்ச்சியான விரிவாக்கங்கள் மூலம் அனைத்து வகை BYD மற்றும் டென்சா வாகன உரிமையாளர்களுக்கும் முழுமையான மற்றும் உயர்தரமான சேவைகளை வழங்குவதை நிறுவனம் உறுதி செய்கிறது.