Tag: World

சுவிட்சர்லாந்தின் லாடர்ப்ரூனன் (Lauterbrunnen) பகுதியில் உள்ள கிம்மல்வால்டில், கடந்த ஞாயிற்றுக்கிழமை பேஸ் ஜம்பிங் (Base jumping) விளையாட்டில் ஈடுபட்டிருந்த 28 வயது ஜெர்மனி நாட்டைச் சேர்ந்த இளைஞர் ஒருவர் உயிரிழந்தார். தனது நண்பருடன் இணைந்து ‘நேபாளப் பாலத்தில்’ இருந்து குதித்தபோது, எதிர்பாராதவிதமாக மலையின் தரைப்பகுதியில் மோதியதில் அவர் சம்பவ இடத்திலேயே பலியானார். மீட்புப் படையினர் ஹெலிகாப்டர் உதவியுடன் அவரது உடலை மீட்டனர். இவ்விபத்து குறித்து சுவிஸ் அதிகாரிகள் தீவிர விசாரணை மேற்கொண்டு வருகின்றனர்.

அமெரிக்காவின் மத்திய வங்கியான பெடரல் வங்கி, வட்டி விகிதத்தை 0.25%  ஆக குறைத்துள்ளது. பொருளாதாரம் மந்த நிலைக்குச் செல்லும் அபாயத்தை தவிர்க்கும் நடவடிக்கையில், இந்த முடிவை எடுத்துள்ள பெடரல் ரிசர்வ் வங்கி, அமெரிக்காவில் வேலை வாய்ப்பு மந்த நிலை ஏற்படும் அச்சுறுத்தல் உள்ளது எனவும் எச்சரித்துள்ளது. இந்த வட்டி குறைப்பின் மூலம் வங்கிகளுக்கான குறுகிய கால கடன்களுக்கான வட்டி குறையும். இதன்மூலம், தனிநபர் கடன், கடன் அட்டைகளுக்கான கடன் மற்றும் கார் அடமானக் கடன்களுக்கான வட்டி குறையும்…

வெனிசுலா மற்றும் மெக்சிகோவிலிருந்து எரிபொருள் விநியோகம் குறைந்ததால், கியூபாவில் தினசரி மின்வெட்டைச் சமாளிக்க முடியாமல் தவிக்கிறது. இந்த ஆண்டின் முதல் 10 மாதங்களில், கியூபாவின் கச்சா எண்ணெய் மற்றும் எரிபொருள் இறக்குமதி மூன்றில் ஒரு பங்கிற்கு மேல் குறைந்துள்ளது. முக்கிய கூட்டாளிகள் விநியோகத்தைக் குறைத்ததால், மின் உற்பத்திக்கான எரிபொருள் பற்றாக்குறை ஏற்பட்டு, தலைநகர் ஹவானாவில் கூட ஒன்பது மணி நேரத்திற்கும் மேலான மின்வெட்டு ஏற்படுகிறது.