இலங்கையை உலகளாவிய திருமண நிகழ்வுக்கான தலமாக நிலைநிறுத்தும் ஷங்கிரி-லா அம்பாந்தோட்டை

இலங்கை, அம்பாந்தோட்டை – ஆசியாவின் மிகவும் கவர்ச்சிகரமான சுற்றுலாத் தலங்களில் ஒன்றாக இலங்கை மீண்டெழுந்து வரும் நிலையில், Shangri-La Hambantota Golf Resort & Spa ஹோட்டலானது, நாட்டை சர்வதேச திருமணங்களுக்கான முதன்மையான தலமாக நிலைநிறுத்துவதில் ஒரு தீர்க்கமான சக்தியாக உருவெடுத்துள்ளது. இது திருமணத்தின் அளவு, அதன் அமைப்பு மற்றும் அது சொல்லும் கதை ஆகியன ஒன்றிணையும் இடமாகும்

இந்தத் தொலைநோக்குப் பார்வையானது, மார்ச் மாதம் Gulf-O-Flex, Rubber World Industry Global நிறுவனத்தின் முகாமைத்துவ பணிப்பாளர் முஜ்தபா ஷைக்கானி (Mujtaba Shaikhani) மற்றும் மும்பையைச் சேர்ந்த பிரபல அழகியல் சார் மருத்துவ நிபுணர் வைத்தியர் ஹப்ஷா (Dr. Hafsha) ஆகியோரின் Oceanfront ரிசோர்ட்டில் பல நாள் கொண்டாட்டமாக இடம்பெற்ற திருமண நிகழ்வின் மூலம் நிஜமானது.

உத்வேகமான, பல நாள் கொண்டாட்டமாக வடிவமைக்கப்பட்ட இந்தத் திருமண நிகழ்வானது, ரிசோர்ட் முழுவதும் 21 இற்கும் மேற்பட்ட விசேட நிகழ்வுகளாக அரங்கேறியது. இதில் ஐக்கிய அரபு அமீரகம், இந்தியா, பாகிஸ்தான், ஐக்கிய இராச்சியம், இலங்கை ஆகிய நாடுகளிலிருந்து விருந்தினர்கள் கலந்து கொண்டனர். பல நாட்களாக நீடித்த இந்த நிகழ்வு, இலங்கையின் தென் கடற்கரையை கலாசாரம் மற்றும் உலகளாவிய உறவுகளின் துடிப்பான மேடையாக மாற்றியது.

இத்தகைய சர்வதேச கொண்டாட்டங்களின் முக்கியத்துவத்தைப் பிரதிபலிக்கும் வகையில், வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலாத் துறை அமைச்சர் கௌரவ விஜித ஹேரத் அவர்கள் இந்நிகழ்வில் கலந்துகொண்டார். இது நாட்டின் சுற்றுலாத் துறையில் இவ்வாறான திருமண நிகழ்வுகள் பெற்றுவரும் முக்கியத்துவத்தை எடுத்துக் காட்டுகிறது.

இந்து சமுத்திரத்தை நோக்கிய 58 ஹெக்டயர் நிலப்பரப்பில் அமைந்துள்ள ஷங்கிரி-லா அம்பாந்தோட்டை ஹோட்டலானது, பாரிய அளவிலான மற்றும் பல்வேறு வடிவங்களிலான கொண்டாட்டங்களை எவ்வித தடையுமின்றி நடத்தக் கூடிய தனித்துவமான வசதியை கொண்டுள்ளது. கடற்கரையோர சூரிய அஸ்தமன நிகழ்வுகள் முதல் பல்வேறு கருப்பொருட்களின் கீழ் மேற்கொள்ளக் கூடிய மாலை நேர நிகழ்வுகள் வரை இந்த ரிசோர்ட்டானது, இப்பிராந்தியத்தில் ஈடு இணையற்ற பன்முகத்தன்மையை வெளிப்படுத்துகிறது.

இத்தகைய திருமணங்களின் தாக்கம் கொண்டாட்டங்களை கடந்து பல்வேறு முக்கியத்துவங்களை எடுத்துக் கூறுகின்றன.

பாரிய அளவிலான சர்வதேச திருமணங்களானவை, பூ அலங்கார கலைஞர்கள், வடிவமைப்பாளர்கள், கலைஞர்கள் முதல் போக்குவரத்து சேவை வழங்குநர்கள் மற்றும் தென் பிராந்தியத்திலுள்ள சிறிய மற்றும் நடுத்தர அளவிலான தொழில்துறைகள் வரை உள்ளூர் தொழில்துறைகளின் பரந்த வலையமைப்பினருக்கு வாய்ப்பளிக்கின்றன. ஒவ்வொரு நிகழ்வும் பல நாட்களுக்கு நீடித்த பொருளாதார நடவடிக்கைகளை உருவாக்கி, பல்வேறு தரப்பினரின் வாழ்வாதாரங்களுக்கு ஆதரவளிப்பதோடு, இலங்கையின் விருந்தோம்பல் துறையின் திறனை உலகளாவிய எல்லைகள் வரை கொண்டு சேர்க்கிறது.

ஷங்கிரி-லா அம்பாந்தோட்டை ஹோட்டலில் இவ்வாறான சர்வதேச திருமணங்கள் நடைபெறுவது இது முதல் முறையல்ல. உறுதிப்படுத்தப்பட்ட நிகழ்வுகளின் அடிப்படையில், இவ்வருடம் இவ்வாறான திருமண முன்பதிவுகள் இரட்டிப்பாகும் என எதிர்பார்க்கப்படுகிறது. இது இலங்கையின் ஒட்டுமொத்த சுற்றுலாத் துறைக்கும் ஒரு ஊக்கமளிக்கும் சமிக்ஞையாகும் என்பது குறிப்பிடத்தக்கது.

இது குறித்து, ஷங்கிரி-லா அம்பாந்தோட்டை ஹோட்டலின் பொது முகாமையாளர் ரெபான் ரஸீன் (Refhan Razeen) கருத்துத் தெரிவிக்கையில், “இவ்வளவு பாரிய அளவிலான கொண்டாட்டத்தை நடத்துவதானது, உலகத்தரம் வாய்ந்த அனுபவங்களை அர்ப்பணிப்புடன் வழங்குவதற்கான இலங்கையின் திறனுக்கு ஒரு சான்றாகும். இத்திருமணங்கள் தனிப்பட்ட ரீதியான எமது அடைவுகள் மாத்திரமல்லாது, உலகளாவிய பார்வையாளர்களை எமது நாட்டை நோக்கி ஈர்க்கும் அதேவேளை உள்ளூர் சமூகங்களுக்கு அர்த்தமுள்ள வாய்ப்புகளை உருவாக்கும் சுற்றுலாத் துறையின் முக்கிய பங்களிபுமாகும்.” என்றார்.

ஷைக்கானி – ஹப்ஷா ஜோடியின் திருமணமானது, இலங்கை எவ்வாறு உயர் மதிப்புள்ள சுற்றுலா பிரிவில் தன்னை நிலைநிறுத்திக் கொள்ள முடியும் என்பதற்கு ஒரு சிறந்த உதாரணமாகும். நீண்ட நாட்களுக்கு தங்கியிருத்தல், ஒரு விருந்தினருக்கான அதிகரித்த செலவு மற்றும் செல்வாக்கு மிக்க வலையமைப்புகள் மூலம் கிடைக்கும் உலகளாவிய அங்கீகாரம் ஆகியவற்றின் காரணமாக, இவ்வாறான திருமணங்கள் சுற்றுலாத் துறை வளர்ச்சிக்கு மிகவும் தாக்கத்தை ஏற்படுத்தும் வழிகளில் ஒன்றாகக் கருதப்படுகின்றது. ஷங்கிரி-லா அம்பாந்தோட்டை ஹோட்டலானது, அதன் அளவு, அது கொண்டுள்ள பன்முகத்தன்மை மற்றும் தென் கரையோர அமைவிடத்தில் ஏற்படுத்தப்பட்ட ஏற்பாடுகளுடன் தொடர்ச்சியான மாற்றத்தை முன்னெடுத்துச் செல்வதுடன், கொண்டாட்டங்கள் நீடித்த நினைவுகளை உருவாக்குவதோடு மட்டுமன்றி, நாட்டின் சுற்றுலாத் துறைக்கு அர்த்தமுள்ள பங்களிப்பை வழங்கும் எதிர்காலத்தையும் வடிவமைத்து வருகிறது என்பதையும் எடுத்துக் காட்டுகிறது.

Shangri-La பற்றி:

Shangri-La குழுமத்தின் ஒரு அடையாளச் சின்னமான முதன்மையான வர்த்தக நாமமான Shangri-La, அதன் தனித்துவமான ஆசிய விருந்தோம்பல் அனுபவத்தின் மையமாக இதயம் கனிந்த சேவையை வழங்குகிறது. கற்பனைத்திறன் மிக்க மற்றும் இயற்கையினால் ஈர்க்கப்பட்ட வடிவமைப்பு, மகிழ்ச்சிகரமான உணவுகள், கலாசார அனுபவங்கள் மற்றும் அதன் உண்மையான, சிந்தனைமிக்க சேவையின் மூலம், விருந்தினர்கள் தங்களின் சொந்த ‘Shangri-La’ தருணங்களை உணர இவ்வர்த்தக நாமம் உதவுகிறது.

இன்று, ஆசிய பசிபிக், மத்திய கிழக்கு, ஐரோப்பா, வட அமெரிக்கா முழுவதும் உலகின் மிகவும் ஊக்கமளிக்கும் சில இடங்களிலுள்ள 90 இற்கும் மேற்பட்ட ஆடம்பர ஹோட்டல்கள் மற்றும் ஓய்வு விடுதிகளில் Shangri-La ஹோட்டலின் அனுபவமும் உயிர்ப்பிக்கப்படுகிறது.

Shangri-La Circle பற்றி:

வாழ்க்கை என்பது வேடிக்கையானது, எல்லையற்றது, சாத்தியக்கூறுகள் நிறைந்தது என்ற கருத்தின் அடிப்படையில் உருவாக்கப்பட்ட Shangri-La Circle என்பது ஒரு சமகால ஆசிய பயண வாழ்க்கை முறைத் தளமாகும். இது உலகெங்கிலும் உள்ள 100 இற்கும் மேற்பட்ட Shangri-La, Shangri-La Signatures, Kerry, JEN by Shangri-La, Traders சொத்துகளில் உறுப்பினர்களாக உள்ளோருக்கு அவர்களின் பயணத்தின் ஒவ்வொரு கட்டத்திலும் மேம்படுத்தப்பட்ட நன்மைகளை வழங்குகிறது. இதனுடன் இணைந்ததாக குழுமத்தின் உணவகங்கள், ஆரோக்கிய வசதிகள், குடும்ப அனுபவங்களும் இதில் உள்ளடங்குகின்றன. இந்த நன்மைகள் குறித்த விபரங்களை இங்கே கண்டறியலாம்.