Bogawantalawa Tea Estates PLC, the world’s first Climate Positive Tea Company, commemorated World Environment Week 2026 through a comprehensive environmental conservation and climate action campaign that brought together government institutions, schools, estate communities, employees, and environmental stakeholders in a collective effort to strengthen biodiversity conservation, ecosystem restoration, and climate resilience, throughout the country. Aligned with…
H1 FY26இல்வரிக்குமுந்தையஇலாபமாக 204% வளர்ச்சியைப்பதிவுசெய்துரூ. 477 மில்லியனைஎட்டியுள்ள Mahindra Ideal Finance
Mahindra Ideal Finance Limited (MIFL), அதன் பல-பிராண்ட் வாகன நிதியளிப்புப் பிரிவின் துரித விரிவாக்கத்தால் உந்தப்பட்டு, 2025 செப்டம்பர் 30இல் முடிவடைந்த ஆறு மாதங்களில் (H1 FY26) வருமானம் மற்றும் இலாபத்தில் வலுவான வளர்ச்சியை வழங்கியுள்ளது.
இந்தக் காலகட்டத்திற்கான மொத்த வருமானம் ஆண்டுக்கு ஆண்டு (YoY) 47% அதிகரித்து 1.85 பில்லியன் ரூபாவாக அதிகரித்தது. அதே சமயம், வரிக்கு முந்தைய இலாபம் (PBT) ஆண்டுக்கு ஆண்டு 204% அதிகரித்து 477 மில்லியன் ரூபாவாக இருந்தது, மற்றும் வரிக்குப் பிந்தைய இலாபம் (PAT) ஆண்டுக்கு ஆண்டு 374% வளர்ச்சியைப் பிரதிபலித்து 209 மில்லியன் ரூபாவாக உயர்ந்தது.
“வாகன இறக்குமதி மீண்டும் தொடங்கப்பட்டதைத் தொடர்ந்து, நாட்டில் பொருளாதார நிலைத்தன்மை குறித்த தொடர்ச்சியான சாதகமான போக்குகளுடன் சேர்ந்து, இலங்கை முழுவதும் பல-பிராண்ட் வாகன நிதியுதவிக்கான (multi-brand vehicle financing) தேவை சீராக அதிகரித்து வருவதை நாங்கள் காண்கிறோம். எங்கள் வாகன இறக்குமதியாளர்கள் மற்றும் டீலர் கூட்டாளர்கள், வாடிக்கையாளர்களுக்கு சீரான, தனிப்பயனாக்கப்பட்ட சேவைகளை வழங்குவதில் தொடர்ந்து கவனம் செலுத்துவதுடன், கடன் தரம் (credit quality) மற்றும் செலவினங்களை ஒழுக்கத்துடன் நிர்வகித்ததன் மூலமும், நடப்பு நிதியாண்டின் முதல் பாதியில் எங்களது மிகச் சிறந்த சாதனையைப் பதிவு செய்துள்ளோம்.
“நாங்கள் முன்னோக்கிச் செல்லும்போது, இந்த வேகத்தைத் தக்க வைத்துக் கொள்வதையும், எங்கள் மொத்த விற்பனை மற்றும் சில்லறை வாடிக்கையாளர்கள் இருவரின் அபிலாஷைகளையும் பூர்த்திசெய்யும் வகையில் பொறுப்பான, மதிப்பு-உந்துதல் கொண்ட கடன் தீர்வுகளை (value-driven lending solutions) வழங்குவதற்கும் கடமைப்பட்டுள்ளோம்,” என MIFL இன் முகாமைத்துவப் பணிப்பாளரும் பிரதம நிறைவேற்று அதிகாரியுமான Mufaddal Choonia கூறினார்.
மதிப்பாய்வு செய்யப்பட்ட காலகட்டத்தில் ஒரு குறிப்பிடத்தக்க சிறப்பம்சம் என்னவென்றால், நிறுவனத்தின் மொத்தச் சொத்து தளமானது ஆண்டுக்கு ஆண்டு (YoY) 54% வளர்ந்து, 22.1 பில்லியன் ரூபாவைக் கடந்து, நடுத்தர அளவிலான நிதி நிறுவனமாக அதன் நிலையை உறுதி செய்தது. வாடிக்கையாளர் கடன் மீதான தொடர்ச்சியான தேவை மற்றும் முக்கிய வாடிக்கையாளர் பிரிவுகளின் அளவிடப்பட்ட விரிவாக்கத்தின் மூலம், நிறுவனத்தின் கடன் புத்தகம் (Loan Book) ஆண்டுக்கு ஆண்டு 84% அதிகரித்து 20.4 பில்லியன் ரூபாவாக உயர்ந்தது. மேம்பட்ட இயக்கத் திறனால் உந்தப்பட்டு, செலவு-வருமான விகிதம் (Cost-to-Income Ratio) ஆண்டுக்கு ஆண்டு 54% ஆக மேம்பட்டது.
இக்காலகட்டத்தில் சொத்துத் தரக் குறிகாட்டிகள் (Asset quality indicators) மேலும் மேம்பட்டன. மார்ச் 2025 இன் இறுதியில் இருந்த 1.86 சதவீதத்துடன் ஒப்பிடுகையில், செப்டம்பர் 30, 2025 நிலவரப்படி மொத்த ஸ்டேஜ் 3 விகிதம் (Gross Stage 3 Ratio) 1.66 சதவீதமாக இருந்தது. தேவையான விகிதமான 12.5% உடன் ஒப்பிடும்போது, நிறுவனம் 18.1% என்ற ஆரோக்கியமான மொத்த மூலதனப் போதுமான விகிதத்தை (Total Capital Adequacy Ratio) பராமரித்தமை குறிப்பிடத்தக்கது.