TVS உடனான கூட்டாண்மை மூலம் வாகனத் துறையில் கால்பதிக்கும் Samson Trading Company (Pvt) Ltd.

இலங்கை, கொழும்பு, 2026 மே 26: DSI Samson குழுமத்தின் ஒரு அங்கமான Samson Trading Company (Pvt) Ltd. நிறுவனம், மாலபேயில் தனது புதிய TVS காட்சியறையை மே 23 ஆம் திகதி திறந்து வைத்ததன் மூலம், TVS Lanka (Pvt) Ltd. நிறுவனத்துடனான தனது உத்தியோகபூர்வ விநியோகஸ்தர் சேவையை ஆரம்பித்துள்ளது. இக்கூட்டாண்மையானது, Samson Trading Company (Pvt) Ltd. நிறுவனம் மோட்டார் சைக்கிள் துறைக்குள் நுழைவதற்கான ஒரு மூலோபாய விரிவாக்கத்தைக் குறிப்பதுடன், DSI Samson குழுமம் உடனான அதன் நீண்டகால நம்பகத்தன்மை மற்றும் நற்பெயரை மேலும் வலுப்படுத்துகிறது.

TVS மோட்டார் சைக்கிள்களுக்காக பிரத்தியேகமாக ஒதுக்கப்பட்டுள்ள இக்காட்சியறையானது, மோட்டார் சைக்கிள்கள் மற்றும் ஸ்கூட்டர்களுக்கான ஒரு விரிவான விற்பனை அனுபவத்தை வாடிக்கையாளர்களுக்கு வழங்குகிறது. இதில் புதிதாக அறிமுகப்படுத்தப்பட்ட TVS Ronin, TVS Apache RTR தொடர்கள், TVS Raider, TVS Ntorq 125, TVS Jupiter, TVS Sport, TVS XL100 உள்ளிட்ட நாட்டில் கிடைக்கக்கூடிய அனைத்து TVS மோட்டார் சைக்கிள்களின் தெரிவுகளும் காட்சிப்படுத்தப்பட்டுள்ளன.

இந்தத் திறப்பு விழாவில் TVS Lanka (Pvt) Ltd., Samson Trading Company (Pvt) Ltd. மற்றும் DSI Samson குழுமம் ஆகிய நிறுவனங்களின் சிரேஷ்ட பிரதிநிதிகள் கலந்து கொண்டனர். இதில் D. Samson and Sons (Pvt) Ltd. நிறுவனத்தின் முகாமைத்துவப் பணிப்பாளர் துசித ராஜபக்ஷ, D. Samson and Sons (Pvt) Ltd. நிறுவனத்தின் பொது முகாமையாளர் பிரதீப் சமரதுங்க, Samson Trading Company (Pvt) Ltd. நிறுவனத்தின் முகாமைத்துவப் பணிப்பாளர் அசங்க ராஜபக்ஷ, TVS Lanka (Pvt) Ltd. நிறுவனத்தின் பிரதம நிறைவேற்று அதிகாரி கீதால் அந்தனி, TVS Lanka (Pvt) Ltd. நிறுவனத்தின் உதவிப் பொது முகாமையாளர் (விற்பனை) மாலக வேஹல்ல ஆகியோர் கலந்துகொண்டனர்.

இது குறித்து, Samson Trading Company (Pvt) Ltd. நிறுவனத்தின் முகாமைத்துவப் பணிப்பாளர் அசங்க ராஜபக்ஷ கருத்துத் தெரிவிக்கையில், “மோட்டார்சைக்கிள் வாகனப் பிரிவில் எமது தடத்தை பதிப்பது தொடர்பில் இடம்பெறும் விரிவாக்கத்தில் இக்காட்சியறை ஒரு முக்கிய படியை எடுத்து வைத்துள்ளது. 47 வருட பாரம்பரியத்தைக் கொண்ட Samson Trading Company (Pvt) Ltd. நிறுவனம், நம்பிக்கை மற்றும் நம்பகத்தன்மையின் வலுவான அடித்தளத்தைக் கட்டியெழுப்பியுள்ளது. TVS Lanka (Pvt) Ltd. உடனான எமது ஒத்துழைப்பின் மூலம், நம்பகமான சேவைத் தரநிலைகளையும் எமது நீண்டகால பாரம்பரியத்தின் ஆதரவுடன் வாடிக்கையாளர்களுக்கு ஒரு நவீன விற்பனை அனுபவத்தையும் வழங்க நாம் இலக்காக கொண்டுள்ளோம். இக்கூட்டாண்மையானது, உலகளாவிய ரீதியில் நம்பகமான TVS மாதிரிகளை வாடிக்கையாளர்களுக்கு மிக நெருக்கமாகக் கொண்டு செல்ல உதவுவதுடன், தடையற்ற மற்றும் வாடிக்கையாளர்களை மையப்படுத்திய அனுபவத்தை உறுதி செய்கிறது.” என்றார்.

இது பற்றி, TVS Lanka (Pvt) Ltd. நிறுவனத்தின் பிரதம நிறைவேற்று அதிகாரி கீதால் அந்தனி தெரிவிக்கையில், “எமது முழுமையான தயாரிப்புகளையும் வாடிக்கையாளர்களுக்கு நெருக்கமாகக் கொண்டு செல்வதற்கான கூட்டாண்மைகள் மூலம், இலங்கை முழுவதும் TVS தனது இருப்பை தொடர்ச்சியாக வலுப்படுத்தி வருகிறது. Samson Trading Company (Pvt) Ltd. நிறுவனத்துடன் இணைந்து மாலபேயில் இக்காட்சியறையைத் திறந்திருப்பதானது, ஒவ்வொரு வாடிக்கையாளருக்கும் எளிதான அணுகலையும், வாகன உரிமையாளர் எனும் சிறந்த அனுபவத்தையும் வழங்குவதில் நாம் கொண்டுள்ள முக்கியத்துவத்தை பிரதிபலிக்கிறது. நாடு முழுவதும் வலுவான, வாடிக்கையாளர்களை மையப்படுத்திய விநியோகஸ்தர் வலையமைப்பைக் கட்டியெழுப்புவதற்கான எமது அர்ப்பணிப்பை இக்கூட்டாண்மை மேலும் உறுதிப்படுத்துகிறது.” என்றார்.

இக்காட்சியறையின் திறப்பானது Samson Trading Company (Pvt) Ltd. மற்றும் TVS Lanka (Pvt) Ltd. நிறுவனங்களுக்கு இடையிலான கூட்டாண்மையை மேலும் வலுப்படுத்துவதுடன், மோட்டார் சைக்கிள் ஆர்வலர்களுக்கு உலகத்தரம் வாய்ந்த மோட்டார்சைக்கிள்களையும் வாடிக்கையாளர் சேவைத் தீர்வுகளையும் எளிதாகப் பெற்றுக்கொள்ள வழிவகுக்கிறது. DSI Samson குழுமத்தின் நம்பகமான பாரம்பரியம் மற்றும் TVS நிறுவனத்தின் புத்தாக்கம் ஆகியவற்றின் ஆதரவுடன், மாலபேயில் உள்ள வாகன ஆர்வலர்களுக்கு நவீன, வசதியான மற்றும் வாடிக்கையாளர்களை மையப்படுத்திய அனுபவத்தை வழங்கத் இக்காட்சியறை தயாராக உள்ளது.